Aktual mövzular: Dollar alış-satışı, Məzənnə, Neftin qiyməti

Həcc ziyarəti 1000 dollar bahalaşıb

Tarix: 8 Iyul 2022 10:00

Bu il Azərbaycana Həcc ziyarəti üçün 680 nəfərlik kvota ayrılıb.

Həcc ziyarətinin qiyməti isə bir nəfərə görə 5 min 350 ABŞ dolları müəyyən olunub. Bu barədə Qafqaz Müsəlmanları İdarəsindən (QMİ) məlumat verilib. Vurğulanıb ki, mayın 25-dən Həcc ziyarətinə gedən şəxslər üçün sənəd qəbuluna başlanılır. Həcc ziyarətinə getməzdən 72 saat əvvəl PCR testi verilməlidir: "Həmçinin, iki doza vaksin tələb olunur. Azərbaycanda icazə verilən bütün vaksinlər ziyarət üçün keçərlidir".

Milli.Az bildirir ki, koronavirus pandemiyası səbəbindən son iki ildə (2020-2021) Azərbaycandan Həcc ziyarətinə gedən olmayıb. QMİ-dən verilən məlumata görə, 2020-ci il üçün Həcc ziyarəti kvotası 1 min 500 nəfər müəyyən edilmişdi. Ziyarətin qiymətinin isə həmin il 4 min 490 ABŞ dolları olacağı bildirilmişdi.

Azərbaycanda Həcc ziyarətini Qafqaz Müsəlmanları İdarəsi təşkil edir. Son illər Azərbaycanda zəvvarların sayında azalma, qiymətdə bahalaşma var.

İslamda Həcc ziyarəti vacib şərtlərdən sayılır. Söhbət Səudiyyə Ərəbistanının Məkkə şəhərində Kəbənin ziyarətindən gedir.

Milli.Az

Whatsapp ilə göndər