Aktual mövzular: Dollar alış-satışı, Neftin qiyməti, COP29, Hava proqnozu

Şərqi Afrikada 50 milyondan çox insan ac qala bilər

Şərqi Afrikada 50 milyondan çox insan ac qala bilər

Tarix: 23 Iyul 2022 08:24

"Şərqi Afrika regionunda 50 milyondan çox insanın bu il ciddi qida çatışmazlığı ilə üzləşəcəyi gözlənilir"

Bu barədə "Associated Press" (AP) Şərqi Afrika Hökumətlərarası İnkişaf Təşkilatına (IGAD) istinadən xəbər verir.

Agentlik qeyd edir ki, belə bir proqnoz Şərqi Afrikanın yeddi ölkəsinə aiddir. Xüsusilə, Somali və Cənubi Sudanda təxminən 300 min insan ciddi ərzaq qıtlığı ilə üzləşəcəyi gözlənilir.

Somalidə səkkiz rayon sentyabr ayına qədər geniş yayılmış məhsul çatışmazlığı, mal-qara problemləri, həmçinin ərzaq qiymətlərinin artması və kütləvi humanitar yardımın olmaması səbəbindən aclıq təhlükəsi ilə üzləşib.

Hazırda ABŞ Beynəlxalq İnkişaf Agentliyinin rəhbəri Samanta Pauer regiondakı böhrana diqqət çəkmək üçün Şərqi Afrikaya səfər edir. Səfər zamanı Pauer ölkələri regionda "aclığın qarşısını almaq üçün mümkün olan hər şeyi etməyə" çağırıb.

Qeyd olunub ki, bu həftənin əvvəlində o, Efiopiya, Somali və Keniya xalqlarına ərzaq yardımı göstərmək üçün 1,2 milyard dollar ayrıldığını açıqlayıb.


Etiketlər:  Şərqi Afrikada milyondan çox insan qala bilər


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ