Aktual mövzular: Dollar alış-satışı, Neftin qiyməti, COP29, Hava proqnozu

Kiminsə toyu digər sürücülərin narahatlığına səbəb olmamalıdır - DYP rəsmisi

Kiminsə toyu digər sürücülərin narahatlığına səbəb olmamalıdır - DYP rəsmisi

Tarix: 28 Iyul 2022 19:24

Toy karvanı cəmiyyətimizdə ənənə kimi formalaşıb. Amma yol hərəkəti qaydalarına əməl etmək hər bir hərəkət iştirakçısının borcudur. Kiminsə toyu digər sürücülərin narazılığı və narahatlığına səbəb olmamalıdır. Əgər eyni problemlər illərdir davam edir və hələ də aktualdırsa, bu, ictimai qınağın olmamasının nəticəsidir.

Sonxeber.net publika.az-a istinadən xəbər verir ki, bu sözləri Bakı şəhər Baş Dövlət Yol Polisi İdarəsinin İctimai qurumlarla əlaqə bölməsinin rəisi Araz Əsgərli toy karvanında təhlükəli anların baş verməsi haqda danışarkən deyib.

O, bəzi toy karvanlarında faciələrin yaşandığını da xatırladıb:

"Xoş gününü məhv edib, bilə-bilə qaydaları pozan, daha sonra etdiyi əmələ görə polis idarələrində gününü keçirtməyi özünə yaraşdıran insan unutmamalıdır ki, qanunlarla yaşamaq Vətənə, dövlətə sevgi, ətrafındakı insanlara hörmət və ən əsası sivil cəmiyyəti formalaşdıran ən vacib amaldır. Gəlin qanunlara hörmət edək və pis vərdişlərimizi unudaq. Heç olmasa formalaşan yeni nəslin bu cür "adət-ənənələr"dən gələcəkdə xəbəri olmasın. Yol mədəniyyətinin isə ümumi mədəniyyətin bir parçası olduğunu daim təbliğ edək!"


Etiketlər:  Kiminsə toyu digər sürücülərin narahatlığına səbəb olmamalıdır rəsmisi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ