Aktual mövzular: Dollar alış-satışı, Məzənnə, Neftin qiyməti

Babadağda həlak olduğu deyilən şəxsin axtarışları davam etdirilir - FHN

Babadağda həlak olduğu deyilən şəxsin axtarışları davam etdirilir - FHN

Tarix: 8 Avqust 2022 11:16

Avqustun 6-da İsmayıllı rayonu ərazisində Babadağ dağında köməksiz vəziyyətdə qalaraq sonradan sağ tapılan şahidlərin - Xudaverdiyev Niyyət Vüqar oğlu, Xudaverdiyev Ağa Aqil oğlu və Xudaverdiyev Emil Aqil oğlunun göstərdikləri buzlu yarğanların içinə və ətrafına xilasedicilər tərəfindən baxış keçirilib və orada həlak olduğu bildirilən Məmmədov Mübariz Əliağa oğlunun meyiti aşkar olunmayıb.

Bu barədə Milli.Az-a FHN-dən xəbər verilib.

Hazırda FHN-in Xüsusi Riskli Xilasetmə Xidmətinin və Şimal-qərb Regional Mərkəzinin axtarış-xilasetmə qrupları tərəfindən təlim görmüş itlərdən, xüsusi alpinist avadanlıq və vasitələrdən istifadə olunmaqla, dronun müşayiəti ilə əlverişsiz hava şəraitində, buzlu yarğanlarda və çətin keçilən yerlərdə axtarış-xilasetmə işləri davam etdirilir.

Axtarışa Daxili İşlər Nazirliyinin əməkdaşları da cəlb olunub.

Əlavə məlumat veriləcəkdir.

Milli.Az


Etiketlər:  Babadağda həlak olduğu deyilən şəxsin axtarışları davam etdirilir FHN


RƏYLƏR