Aktual mövzular: Dollar alış-satışı, Məzənnə, Neftin qiyməti

Sübhan Bəkirov "Dəniz kuboku" müsabiqəsinin qaliblərini təbrik edib

Sübhan Bəkirov

Tarix: 25 Avqust 2022 20:15

Azərbaycan Hərbi Dəniz Qüvvələrinin (HDQ) komandanı kontr-admiral Sübhan Bəkirov "Dəniz kuboku" müsabiqəsinin qaliblərini təbrik edib.

Milli.Az "Report"a istinadən bildirir ki, o, on gün davam edən müsabiqənin uğurla başa çatdığını bildirib.

"Müsabiqədə ən böyük qələbəmiz dostluqda, hərbi əməkdaşlıqda yeni zirvələr fəth etməyimiz oldu. Mən müdafiə naziri general-polkovnik Zakir Həsənov və öz adımdan qalibləri, qonaqları, media nümayəndələrini təbrik edirəm. Vurğulamaq istəyirəm ki, iki il öncə 30 il həsrətində qaldığımız tarixi torpaqlarımızı da geri qaytardıq. Arzu edirəm ki, dünyada hər zaman sülh və əmin-amanlıq hökm sürsün. Əminəm ki, biz tək döyüşlərdə deyil, bu cür müsabiqələrdə, yarışlarda da qələbə qazanacağıq", - S.Bəkirov deyib.

Qeyd edək ki, avqustun 25-də Azərbaycanın Xəzər dənizindəki ərazi sularında "Beynəlxalq Ordu Oyunları-2022" yarışları çərçivəsində keçirilən "Dəniz kuboku" müsabiqəsinin bağlanış mərasimi baş tutub.

Milli.Az


Etiketlər:  Sübhan Bəkirov Dəniz kuboku müsabiqəsinin qaliblərini təbrik edib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ