Aktual mövzular: Dollar alış-satışı, Neftin qiyməti, COP29, Hava proqnozu

Lənkəranda avtomobil kanala aşıb, bir nəfər ölüb

Lənkəranda avtomobil kanala aşıb, bir nəfər ölüb

Tarix: 3 Sentyabr 2022 09:00

Lənkəranda yol-nəqliyyat hadisəsi baş verib.

Sonxeber.net APA-ya istinadən xəbər verir ki, hadisə Kərgəlan kəndi ərazisində qeydə alınıb.

Belə ki, sürücünün sükana nəzrəti itirməsi ilə avtomobil yoldan çıxaraq kanala aşıb.

Nəticədə ata və oğulu xəsarət alıblar.

Lənkəran Rayon Mərkəzi Xəstəxanasına çatdırılan yaralılardan biri - atanın həyatını xilas etmək mümkün olmayıb.

İlkin məlumata görə, qəzaya avtomobilin sərxoş vəziyyətdə idarə olunması səbəb olub.

Lənkəranda baş verən avtoqəzada ölən və yaralanan şəxslərin adları məlum olub.

Lənkəran şəhər sakini 1985-ci il təvəllüdlü Vüsal Orucəli oğlu Babayevin idarə etdiyi "Opel" markalı avtomobil idarəetmədən çıxaraq əvvəlcə yol kənarındakı rabitə dirəyinə çırpılıb, sonra isə kanala düşüb.

Yaralı sürücü xəstəxanaya çatdırılsa da həkimlərin səyinə baxmayaraq, həyatını xilas etmək mümkün olmayıb.

Sürücünü oğlu 2007-ci il təvəllüdlü Nihad Babayev isə müxtəlif dərəcəli xəsarətlə Lənkəran Rayon Mərkəzi Xəstəxanasına yerləşdirilib.


Etiketlər:  Lənkəranda avtomobil kanala aşıb nəfər ölüb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ