Müəllifi “Taxt-Tac Oyunları”nda narazı qaldığı səhnələrdən danışdı - FOTO

Tarix: 7 Sentyabr 2022 19:20

"Buz və alovun nəğməsi" ("A Song of Ice and Fire") kitabının müəllifi Corc R.R.Martin əsəri əsasında çəkilmiş "Taxt-Tac Oyunları" serialından iki səhnəni bəyənmədiyini etiraf edib.

Sonxeber.net oxu.az-a istinadən xəbər verir ki, onun sözlərinə görə, serialın səkkiz mövsümündə ən sevmədiyi kadr kral Robert Barateonun ova çıxma səhnəsidir.

"Dörd nəfər nizə ilə meşədə piyada gəzir. Kitabdan öyrənirik ki, Robert ova gedir, qaban onu yaralayır, o,  qayıdır və ölür. Lakin mən heç vaxt ovun özünü təsvir etməmişəm", - deyə  Corc Martin bildirib.

Onun sözlərinə görə, kral ovunun necə keçdiyini hamı bilir: 100-ə qədər adam, dəbdəbəli çadırlar, ovçular, itlər. Bundan başqa şah qabanla qarşılaşmaq ümidi ilə nizə ilə silahlanan üç dostu ilə meşədə gəzməməlidir.