Anası qızının sinif yoldaşını zəhərlədi: Səbəbi sizi şoka salacaq

Tarix: 9 Sentyabr 2022 20:02

Hindistanın Karaykal şəhərindən olan 42 yaşlı Saqayarani Viktoriya qızının sinif yoldaşını məktəbdə ən yüksək qiyməti aldığı üçün zəhərləyib.

Milli.Az bildirir ki, bu barədə "The Times of India" məlumat yayıb.

Qadın cinayəti cümə günü, sentyabrın 2-də törədib. Məktəbin illik tədbiri zamanı o, özünü mühafizəçiyə Balamanikandan adlı yeniyetmənin anası kimi təqdim edib və ona iki şüşə sərinləşdirici içki verilməsini istəyib. Şübhə etməyən şagird onları içdikdən sonra qusmağa başlayıb.

Bundan narahat olan valideynlər 13 yaşlı yeniyetməni özəl xəstəxanaya aparıb, orada o müalicə olunaraq evə qayıdıb. Ertəsi gün vəziyyəti yenidən pisləşib. Dövlət xəstəxanasına yerləşdirilən Balamanikandan elə həmin gün axşam saatlarında orada dünyasını dəyişib.

Yeniyetmə ölməzdən əvvəl anasına mühafizəçi vasitəsilə ona verdiyi içkidən sonra xəstələndiyini deyib. Ana oğlunun zəhərləndiyindən şübhələnərək dərhal polisə müraciət edib. Karaykalın Şerif İdarəsinin əməkdaşları araşdırma zamanı Viktoriyaya diqqət çəkərək dindirmə aparıblar. Qadın əməlini etiraf edib və içkilərə "ishala səbəb olan xalq dərmanlarını" qarışdırdığını bildirib.

Viktoriya həbs olunub və daha sonra qətlə görə həbsxanaya göndərilib. Şerif idarəsi qeyd edib ki, qadın Balamanikandan həmişə qızlarından yüksək qiymət verilməsini qısqanıb.

İrfan Vəliyev
Milli.Az