Aktual mövzular: Dollar alış-satışı, Neftin qiyməti, COP29, Hava proqnozu

Rusiyalı iş adamını Ermənistanda aldatdılar

Tarix: 6 Oktyabr 2022 18:12

Moskvalı sahibkar "nüfuzlu dostu"nun köməyi ilə Ermənistan vətəndaşlığı almaq niyyətinə düşüb və 10 milyon rublunu (təxminən 278 min manat) itirib.

Sonxeber.net oxu.az-a istinadən xəbər verir ki, iş adamı pulu ödədikdən sonra bir neçə dəfə respublikaya uçsa da, həmin şəxs onunla görüşə gəlməyib və vaxtı uzadıb.

Adı açıqlanmayan tibbi avadanlıqlar şirkətinin direktoru Avropadakı sərgilərə uçmaq və xaricdən komponentlərin idxalı üçün logistika şirkəti açmaq məqsədilə paralel idxal sənədləri, viza və Ermənistan vətəndaşlığını almaq niyyətində olub. Lakin fırıldaqçılıqla üz-üzə qaldığını anlayan moskvalı pulun qaytarılmasını tələb etsə də, ona vəsaitlərin məsələnin həlli üçün xərclədiyi bildirilib.

Daha sonra aldadılan iş adamı polisə yollanıb. Hüquq-mühafizə orqanları artıq məsələnin araşdırılmasına başlayıblar. Məlumata görə, hazırda xüsusilə böyük məbləğdə dələduzluqla bağlı cinayət işinin başlanması nəzərdən keçirilir.

Whatsapp ilə göndər