Aktual mövzular: Dollar alış-satışı, Neftin qiyməti, COP29, Hava proqnozu

Kevin Speysi hakim qarşısına çıxdı - FOTO

Tarix: 7 Oktyabr 2022 20:04

Aktyor Kevin Speysi oktyabrın 6-da məhkəmə qarşısına çıxıb.

2017-ci ildə onun həmkarı Entoni Rapp kino ulduzuna qarşı cinsi qısnama iddiası ilə çıxış edib.

Sonxeber.net oxu.az-a istinadən xəbər verir ki, hər iki aktyor Nyu Yorkdakı federal məhkəmə binasına gəliblər. Onlar jurnalistlərlə açıqlama verməyiblər.

Məlumata görə, məhkəmə iki həftəyə yaxın davam edəcək.

İddiaya görə, hadisə 1986-cı ildə, Rappın 14, Speysinin 26 yaşı olarkən baş verib. Speysi aktyor olmaq istəyən yeniyetməni Manhettendəki mənzilində qonaqlığa dəvət edib və sonra digər qonaqlar getdikdən sonra onu yataq otağına salaraq aldatmağa çalışıb.

Hazırda Rapp mənəvi zərər, tibbi xərclər və maddi ziyana görə kompensasiya tələb edir.