Bu yol hamını təngə gətirib - VİDEO

Tarix: 20 Oktyabr 2022 00:24

Sulutəpə qəsəbəsində  küçələrdən  biri  yararsız vəziyyətdədir.  Baxımsız yol , xüsusilə , avtobus sürücülərini  artıq  təngə  gətirib.  Normal  hərəkət  edə  bilmirlər ,  nəticədə  də hər gün  ləngimələr olur,  real interval  pozulur... Bir küçədəki   maşın  hərəkət  edə  bilmirsə,  siz  bir  də  piyadaların  halını  düşünün.

Sonxeber.net Xəzər Xəbər-ə istinadən xəbər verir ki, yolun asfalt qatı dağılıb, çala-çuxurlar su ilə dolduğundan kiçik gölməçələr yaranıb. Yararsız vəziyyətə düşmüş yolda nəqliyyat vasitələrinin hərəkətində çətinliklər yaşanır.

Görüntülər Binəqədi rayonu, Sulutəpə qəsəbəsində el arasında ''Ətçilər'' kimi adlandırılan küçədəndir. 157 nömrəli marşrut üzrə hərəkət edən avtobusların keçdiyi əsas yolun asflat qatından demək olar ki, əsər aləmət qalmayıb. Avtobus sürücüləri deyirlər ki, mövcud vəziyyətə görə əksər vaxt intervalda ləngimələr olur.

Yaxınlıqda yaşayan sakinlərin sözlərinə görə yol xüsusilə qış aylarında keçilməz vəziyyətdə olur.

Azərabaycan Avtomobil Yolları Dövlət Agentliyindən problemdən xəbərdar olduqlarını bildirdilər. Qeyd edilib ki, Sulutəpə qəsəbəsində küçələrin təmiri mərhələli şəkildə həyata keçirilir. Sözügedən küçə dövlət proqramına əsasən təmir olunacaq.