Aktual mövzular: Dollar alış-satışı, Məzənnə, Neftin qiyməti

“Pley-offa layiq komandayıq” - Qara Qarayev

“Pley-offa layiq komandayıq” - Qara Qarayev

Tarix: 28 Oktyabr 2022 08:10

"Qarabağ"ın yarımmüdafiəçisi Qara Qarayev Avropa Liqasının qrup mərhələsinin 5-ci turu çərçivəsində Fransanın "Nant" komandasına qarşı keçirdikləri oyunu şərh edib.

Milli.Az matc.az-a istinadən bildirir ki, o, 1:2 hesabıyla uduzduqları matçdan sonra "CBC Sport"a açıqlamasında bunları söyləyib:

"Matça yaxşı hazırlaşmışdıq. Hesab fərqli ola bilərdi. Amma futbol belədir. Bəzən 90 dəqiqə üzülürsən, son dəqiqə qolu ilə gülürsən. Bəlkə də hesab bizə arxayınlıq verdi. Amma hələ heç nə itirilməyib".
 
Bu oyunda zədələnən və erkən əvəzlənən "Qarabağ"ın kapitanı bu barədə də məlumat verib. O, zədəsinin ciddi olmadığını söyləyib. Təcrübəli oyunçu bildirib ki, oynamağa davam etsəydi, vəziyyəti ağırlaşa bilərdi: "Qaçmağıma mane olan zədə idi".
 
Qarayev Bakıda Almaniya "Frayburq"una qarşı keçirəcəkləri sonuncu tur oyununa da toxunub: "Bu görüş haqqında danışmaq çətindir. Rəqibin üstün tərəflərini bilirik. Amma proqnoz verməyi özümə rəva bilmirəm. Matça ən yaxşı şəkildə hazırlaşacağıq. Biz pley-offa layiq komandayıq".

Milli.Az


Etiketlər:  Pley offa layiq komandayıq Qara Qarayev


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ