Aktual mövzular: Dollar alış-satışı, Neftin qiyməti, COP29, Hava proqnozu

1 manat 70 qəpiyə görə həbs olundu

Tarix: 17 Dekabr 2022 13:46

Amerikanın Ohayo ştatının Uest Kerrolton şəhərinin sakini bankı soyub bir dollar oğurlamağa çalışıb və sonda dəmir barmaqlıqlar arxasına düşüb.

Sonxeber.net bildirir ki, bu barədə Yahoo News məlumat yayıb.

Səhər saatlarında 24 yaşlı Aleks Coşua Uilson "Fifth Third Bank"ın filialına girib. Kişi kassirlə danışdıqdan sonra ona bir qeyd uzadıb: "Bu, oğurluqdur. Mənə bir dollar ver". Qeyd əmanət blankının arxa tərəfində yazılıb.

"Silahlı olub-olmadığımı bilmirsiniz, ona görə də təcili zəng düyməsini sıxın", - quldur deyib. Kredit təşkilatının əməkdaşı tələb etdiyi kimi hər şeyi edib və panik düyməsini işə salıb. O, piştaxtanın üstünə bir dollarlıq əskinas qoyub, lakin Uilson onu götürməyib.

Qəribə quldur bankda qalıb, polisin gəlişini gözləyib və təslim olub. Polis hadisə yerinə gələrkən bankın təhlükəsizlik şirkətinin əməkdaşları şübhəli şəxsi izlədiklərini bildiriblər. Polisə Vilsonun təsvirini və onun hərəkətləri barədə məlumat veriblər.

Hüquq-mühafizə orqanlarının əməkdaşları Uilsonun üzərində silah tapmayıblar.

Həmin şəxs quldurluqda ittiham olunub.

İrfan Vəliyev

Whatsapp ilə göndər