Aktual mövzular: Dollar alış-satışı, Neftin qiyməti, COP29, Hava proqnozu

Peşəkar boksçu oğruları belə qovdu - VİDEO

Tarix: 15 Yanvar 2023 13:32

Avstraliyanın Qold-Kost şəhərindən olan peşəkar ağır çəkili boksçu evini qarət etmək qərarına gələn iki yeniyetməni qovub.

Sonxeber.net bildirir ki, müşahidə kamerası tərəfindən lentə alınan video "The Sun"ın diqqətini çəkib.

Səhər tezdən Keysi Kasuell evində olub və küçədə şübhəli hərəkət edən kapüşonlu iki gənci görüb. Müşahidə kameralarından görünür ki, onlar onun avtomobilinin ətrafına keçərək hasarın üstündən baxmağa başlayıblar.

Kasuell hesab edib ki, yeniyetmələr onun evini soyğunçuluq üçün hədəf seçiblər. O, köynəksiz küçəyə sıçrayıb və söyüş söyərək oğruların arxasınca qaçıb. Hücum edənlər çətinliklə uzaqlaşıblar.

Kasuellin həmkarı və dostu Demsi MakKin sosial şəbəkədə "Keysinin yerində hamı eyni şeyi edərdi. Evinizə girməyə çalışan siçovullarla belə davranmalısınız", - o deyib. Onun sözlərinə görə, yeniyetmələrdən biri bir az böyük olub və əlində bıçaq olub.

İrfan Vəliyev

Whatsapp ilə göndər