Aktual mövzular: Dollar alış-satışı, Məzənnə, Neftin qiyməti

Aİ İrandakı səfirliyə hücumla bağlı Azərbaycan dilində paylaşım edib

Tarix: 27 Yanvar 2023 22:18

Xarici siyasət və Təhlükəsizlik məsələləri üzrə üzrə Ali Nümayəndəsinin sözçüsü Piter Stano Azərbaycanın İrandakı səfirliyinə hücumla bağlı öz "Twitter" səhifəsində Azərbaycan dilində paylaşım edib.

Milli.Az bildirir ki, paylaşımda deyilir:

"Aİ Azərbaycanın Tehrandakı səfirliyinə hücumla bağlı XİN və Azərbaycan xalqına başsağlığı verir. Diplomatik nümayəndəliklərə hücumlar qəbuledilməzdir".

Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə terror hücumu olub. Hücum edən şəxs avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Hazırda hadisənin istintaqı aparılır.

Milli.Az