Aktual mövzular: Dollar alış-satışı, Məzənnə, Neftin qiyməti

Tehran etiraf etdi: İsrail təchizat karvanını da vurdu

Tehran etiraf etdi: İsrail təchizat karvanını da vurdu

Tarix: 30 Yanvar 2023 22:38

İran 25 yük maşınından ibarət təchizat daşıyan karvanına zərbələr endirildiyini təsdiqləyib.

Milli.Az axar.az-a istinadən bildirir ki, bu barədə SEPAH-a bağlı informasiya agentlikləri məlumat yayıb.

Bildirilib ki, İraqın Ənbar əyalətindən Suriyanın Deyr əz-Zor əyalətinə gedən 25 yük maşınından ibarət ərzaq daşıyan karvana havadan hücum edilib.

"Əl-Mayadin"in yazdığına görə, maşın karvanına 3 raket atılıb, yalnız biri yük maşınına dəyib. İtki yoxdur.

Bildirilib ki, maşın karvanı "humanitar yardım" daşıyırmış.

Məlumatda hücumu İsrailin həyata keçirdiyi də təsdiqlənib.

Qeyd edək ki, hücum ötən gün gecə baş verib. İsrailin "Kan" televiziyası SEPAH-ın Suriyada yerləşən qərargahına hava zərbələri endirildiyi, həmçinin bu qərargaha təchizat daşıyan 25 yük maşınından ibarət karvanının da vurulduğunu bildirmişdi.

Milli.Az


Etiketlər:  Tehran etiraf etdi İsrail təchizat karvanını da vurdu


RƏYLƏR



Populyar Xəbərlər

XƏBƏR LENTİ