Aktual mövzular: Dollar alış-satışı, Neftin qiyməti, COP29, Hava proqnozu

Dağıntılar altında bir-birlərinə sarılmış vəziyyətdə tapıldılar - FOTO

Dağıntılar altında bir-birlərinə sarılmış vəziyyətdə tapıldılar - FOTO

Tarix: 12 Fevral 2023 15:54

Ailəsi ilə birlikdə dağıntılar altında qalaraq dünyasını dəyişən Burak Firikin hekayəsi bütün dünyanı dərindən təsirləndirib.

Sonxeber.net musavat.com-a istinadən bildirir ki, Nyu Yorkda yaşayan və Kahramanmaraşda baş vermiş zəlzələ nəticəsində həlak olan proqram mühəndisi Burak Firik bu şəhərə ürək əməliyyatı keçirən atasını görmək üçün gəlib.

35 yaşlı Firik, onun həyat yoldaşı Kimberli və iki azyaşlı uşağının cəsədi yerlə bir olmuş 5 mərtəbəli binanın dağıntıları arasında bir-birinə sarılmış vəziyyətdə tapılıb.

Kimberlinin bacısı Salma Salazar CNN-in yayımına qatılaraq 12 saat ümidlə gözlədiklərini, lakin ailədən heç kimin sağ qalmadığını bildirib.

Salma zəlzələdə bacısı Kimberli, yeznəsi Burak Firik, onun anası, həmçinin Firikin 2 yaşlı oğlu Həmzə və 1 yaşlı oğlu Bilalın həyatını itirdiyini deyib. Onun sözlərinə görə, ailənin sağ qalan yeganə üzvü ürək əməliyyatı olan atadır.


Etiketlər:  Dağıntılar altında birlərinə sarılmış vəziyyətdə tapıldılar FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ