Aktual mövzular: Dollar alış-satışı, Neftin qiyməti, COP29, Hava proqnozu

Monteneqro prezidenti parlamenti buraxdı

Monteneqro prezidenti parlamenti buraxdı

Tarix: 17 Mart 2023 00:00

Monteneqro prezidenti Milo Cukanoviç prezident seçkilərinə üç gün qalmış parlamenti buraxıb.

Sonxeber.net APA-ya istinadən xəbər verir ki, Prezidentin fərmanı cümə axşamı milli televiziya vasitəsilə yayılıb.

"Monteneqro Assambleyasının 27-ci çağırış Parlamenti buraxılır. Fərman imzalandığı gündən qüvvəyə minir", - deyə sənəddə qeyd olunub.

Konstitusiyaya görə, parlament seçkiləri 100 gündən gec olmayaraq keçirilməlidir.

Bundan əvvəl Monteneqro parlamentinin sədri Daniela Djuroviç respublikada prezident seçkilərini martın 19-na təyin edib.

Konstitusiyaya görə, Monteneqro parlamentli respublikadır və dövlət başçısı əsasən nümayəndəlik funksiyalarını yerinə yetirir.

Buna baxmayaraq, prezident fiquru Nazirlər Kabinetinin formalaşmasında və baş nazirin namizədliyinin irəli sürülməsində böyük əhəmiyyət kəsb edir.

Monteneqro prezidenti ümumxalq səsverməsi ilə beş il müddətinə seçilir və ardıcıl iki müddətdən artıq seçilə bilməz.


Etiketlər:  Monteneqro prezidenti parlamenti buraxdı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ