BP: Azərbaycanın bərpa olunan enerji mənbələri sahəsində böyük potensialı var

Tarix: 19 Oktyabr 2019 12:21

Bakı. Ləman Zeynalova - Trend:

Azərbaycanın bərpa olunan enerji mənbələri sahəsində böyük potensialı var.

Trend-in məlumatına görə, bunu "BP Azerbaijan" şirkətinin hüquqi məsləhətçisinin köməkçisi Kerolayn Gilbert Bakıda Xəzər Texniki Konfransında deyib.

O bildirib ki, Azərbaycanda külək enerjisinin inkişafı üçün böyük potensial var, Abşeron yarımadasında küləyin sürəti saniyədə 8-9 metrə çatır.

Günəş enerjisinə gəldikdə isə nümayəndə bildirib ki, bu sahədə də ümidverici potensial var. Ölkədə bir sutka ərzində bir kvadrat metrə 4 kilovatt/saat günəş işığı düşür.

O bildirib ki, BP bu sahədə rəqəmsal platformalar hazırlayır və onlardan bəziləri Azərbaycanda da istifadə oluna bilər.

K.Gilbert əlavə edib ki, Paris sazişi çərçivəsində Azərbaycan 2030-cu ilədək parnik qazı tullantılarını 35 faiz azaltmaq niyyətindədir və BP şirkəti ölkədə enerjinin transformasiyası məsələsində dəstək göstərməyə hazırdır.

Trend-in ən mühüm və maraqlı xəbərlərini "Telegram"da izləyin