Aktual mövzular: Dollar alış-satışı, Məzənnə, Neftin qiyməti

Tərtərdə qaza görə abonentlərə əlavə borc yazılıb? - VİDEO

Tarix: 14 Aprel 2023 18:12

Tərtər rayonunun Səhlabat kəndinin sakinləri qaza görə onlara əlavə borc yazıldığını iddia edirlər.

Milli.Az Xəzər Xəbər-ə istinadən xəbər verir ki, sakinlər bildiriblər ki, borcla bağlı onlara bildirişlər gəlib.

Onların iddiasına görə, "Azəriqaz" İstehsalat Birliyinin işçiləri istifadə etmədikləri təbii qaza görə borc yazıblar.

Sakinlərin sözlərinə görə, kənd əhalisinin yarıdan çoxuna əlavə olaraq bildirişlər gəlib.

Məsələ ilə bağlı "Azəriqaz" İstehsalat Birliyinin mətbuat xidmətinin rəhbəri Eldəniz Vəliyev bildirib ki, abonentlərə göndərilən bildiriş uçotu pozulmuş sərfiyyatla bağlıdır.

O da qeyd edilib ki, abonentə heç bir halda işlətmədiyi qaza görə əlavə bildirişlər verilə bilməz. Müxtəlif orqanlar tərəfindən bunun təftişi də mümkündür.

Xezerxeber.az mövzu ilə bağlı daha ətraflı videomaterialı təqdim edir:

Milli.Az

Whatsapp ilə göndər