Aktual mövzular: Dollar alış-satışı, Neftin qiyməti, COP29, Hava proqnozu

8 yaşlı qızın otağına girən qadın dəhşət yaşadı - FOTO

Tarix: 26 Aprel 2023 17:38

Hindistanda səkkiz yaşlı qız Adityaşri Kumar gecə saatlarında evində "Redmi Note 5 Pro" smartfonunun partlaması nəticəsində ölüb.

Sonxeber.net oxu.az-a istinadən xəbər verir ki, hadisə ölkənin cənubundakı Tiruvilvamala kəndində baş verib.

Məhkəmə-tibbi ekspertiza göstərib ki, qəza zamanı telefon şarjda olmayıb. Ölümə səbəb mobil cihazın həddindən artıq qızması səbəbindən içərisində batareyanın partlaması olub.

Səkkiz yaşlı qızın atası Aşok Kumar bildirib ki, faciə baş verən zaman evdə qızı ilə birgə yalnız nənəsi olub. Mütəxəssislərin fikrincə, "Redmi Note 5 Pro" yorğanın içərisində olduğu üçün həddindən artıq qızıb.

Nənə polisə bildirib ki, hadisə zamanı uşaq yorğanın altında uzanaraq smartfonla oynayırmış. Mətbəxə çəkilən qadın partlayış səsi eşidib və otağa daxil olduqda çarpayıda yaralı nəvəsini görüb.