Qadını avtobusun altına itələyən kişidən gözlənilməz hərəkət

Tarix: 26 Aprel 2023 21:14

Omskda 35 yaşlı kişi rus qadını mikroavtobusun altına itələdikdən sonra öz gözünü çıxardıb. O, qadını öldürməyə cəhdə görə saxlanılıb.

Sonxeber.net xəbər verir ki, bu barədə "Lenta.ru" məlumat yayıb.

Agentliyin məlumatına görə, Omsk şəhərinin "Magistralnaya küçəsi"ndəki avtobus dayanacağında narkotikin təsiri altında olan kişi qadını mikroavtobusun altına itələyib. "Qazel"in sürücüsünün peşəkarlığı qadını ölümdən xilas edib. Belə ki, o, sürəti azaldıb və qadının təkərlər altında qalmasına imkan verməyib.

Bundan sonra narkotik maddənin təsiri altında olan kişi öz gözünü çıxardıb. Cərrahlar ciddi səy göstərsələr də, onun gözünü bərpa etmək mümkün olmayıb. Onlar gözü çıxartmağa məcbur olub.

Qeyd edək ki, o, digər gözünü isə əvvəllər cəza çəkdiyi həbsxanada çıxardıb.

Xatırladaq ki, zərərçəkmiş qadına isə beyin silkələnməsi diaqnozu qoyulub və ambulator müalicəyə göndərilib. (publika)