Aktual mövzular: Dollar alış-satışı, Məzənnə, Neftin qiyməti

Rusiya silah istehsalını artırdı

Tarix: 27 Aprel 2023 08:40

Rusiya sənayesi son bir ildə ilk dəfə olaraq Ukraynaya qarşı müharibə səbəbindən xərclərin artması fonunda hərbi istehsal ilə əlaqəli sektorun yüksəlməsi sayəsində gözlənilmədən artım nümayiş etdirir.

Milli.Az report-a istinadən xəbər verir ki, bu barədə "Bloomberg" yazır.

Nəşr qeyd edir ki, mart ayında Rusiya Federasiyasının sənaye istehsalı ötən illə müqayisədə 1,2% artıb, iqtisadçılar isə bu göstəricinin 1,4% azalacağını proqnozlaşdırırdılar.

Məlumata görə, dağ-mədənçilik və faydalı qazıntılar hasilatı 3.6 % azalıb, silah və sursat da daxil olmaqla hazır metal məhsullarının istehsalı 30% artıb.

Artım, həmçinin, aviasiya və raket mühərrikləri üçün hissələri, optik cihazları və digər sistemləri də əhatə edən kompüter, elektron və digər yüksək texnologiya məhsullarının istehsalını da yan keçməyib. Bu sahədə 23 %-lik yüksəlmə qeydə alınıb.

Bloomberg bildirir ki, döyüş maşınları, təyyarələr və gəmilərin də daxil digər nəqliyyat vasitələrinin istehsalı 10%-dən çox artıb.

Milli.Az

Whatsapp ilə göndər