Aktual mövzular: Dollar alış-satışı, Məzənnə, Neftin qiyməti

Rusiyaya şok: Polşadakı məktəbi müsadirə edildi

Rusiyaya şok: Polşadakı məktəbi müsadirə edildi

Tarix: 29 Aprel 2023 22:58

Bu gün Polşanın hakimiyyət nümayəndələri Rusiyanın Varşavadakı səfirliyində uşaqların da olduğu məktəb binasına daxil olublar.

Milli.Az axar.az-a istinadən xəbər verir ki, məsələ ilə bağlı Rusiya Xarici İşlər Nazirliyinin cavabı gecikməyib.

Rusiya XİN Rusiya bunu 1961-ci il Vyana Konvensiyasının kobud şəkildə pozulması və Rusiyanın Polşadakı diplomatik mülkiyyətinə növbəti təcavüz kimi qiymətləndirib.

Qeyd olunub ki, Varşavanın bu hərəkətlərinə Moskva sərt şəkildə reaksiya verəcək.

Eyni zamanda, Rusiya Federasiyası Təhlükəsizlik Şurasının sədr müavini Dmitri Medvedyev Polşa ilə diplomatik münasibətlərin davam etdirilməsinin əleyhinə çıxıb.

Rusiyanın Polşadakı səfirliyinin nazir müşaviri Andrey Ordaş bildirib ki, həmin an məktəbdə uşaqlar da daxil olmaqla 29 nəfər olub.

Polşa hakimiyyətinin nümayəndələri giriş qapısını sındıraraq binaya daxil olub və bütün binaya baxış keçiriblər. Onlar işçilərə bu gün yerli vaxtla 18:00-a qədər binanı tərk etmələri üçün vaxt veriblər. Bir həftə ərzində isə məktəb avadanlıqlarının çıxarılmasına icazə verilib.

Milli.Az


Etiketlər:  Rusiyaya şok Polşadakı məktəbi müsadirə edildi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ