Aktual mövzular: Dollar alış-satışı, Məzənnə, Neftin qiyməti

Qan təzyiqini aşağı salmaq üçün bəyənəcəyiniz tövsiyə

Tarix: 5 May 2023 07:42

Saunada istilik terapiyası orta yaşlı insanlarda qan təzyiqini aşağı salır. Bunu Yuta ştatındakı Briqama Yanqa Universitetinin tədqiqatçıları aşkar ediblər. Alimlər öz işlərini Fiziologiya üzrə Amerika sammitində təqdim edəcəklər.

Milli.Az lent.az-a istinadla xəbər verir ki, yeni araşdırma Finlandiya alimlərinin tapıntılarına əsaslanır. Bu ölkə alimlərinin iddialarına görə, saunaya ən azı 19 dəqiqə girən insanların ürək-damar xəstəliklərinə tutulma ehtimalı, bunu etməyənlərə nisbətən daha azdır.

Amerikadakı tədqiqatda 18-30 yaş arası 10 kişi və qadın, 50-64 yaş arası səkkiz kişi və qadın iştirak edib. İştirakçılar hər biri 80 dərəcə Selsi temperaturunda 20 dəqiqəlik iki sauna seansında olublar.

İştirakçılar arasında heç bir yan təsir müşahidə edilməyib. Bütün iştirakçılarda qan təzyiqi azalıb. Bundan əlavə, gənc və orta yaşlı insanlarda saunaya bir səfərin fizioloji reaksiyası eyni olub. Nəticələr o deməkdir ki, uzun müddət istiliyə məruz qalmadan saunanın müsbət təsirini əldə etmək mümkündür.

Milli.Az

Whatsapp ilə göndər