Aktual mövzular: Dollar alış-satışı, Neftin qiyməti, COP29, Hava proqnozu
Tarix: 19 May 2023 22:24
Azərbaycan Basketbol Liqasında bürünc medalların sahibi bəlli olub.
Misli.Az xəbər verir ki, 3-cü yer uğrunda oyunda "AAAF Xırdalan"ı məğlub edən NTD mükafata yiyələnib.
"Sərhədçi" İdman Mərkəzində keçirilən qarşılaşmaya üstün başlayan NTD basketbolçuları yekunda 100:79 hesablı qələbəyə seviniblər.
Ən məhsuldar basketbolçular qalib komandadan Londel Kinq (40 xal, 16 ribaund), məğlub tərəfdən isə Deymon Makdouel (36 xal, 5 ribaund) olublar.
Qeyd edək ki, Azərbaycan Basketbol Liqasının final oyunu "Sabah" və "Gəncə" klubları arasında olacaq.