Rusiyadan Sallivana: Kreml bundan imtina etmir, amma...

Tarix: 3 Iyun 2023 20:42

Rusiya ilə silahlara nəzarətin arxitekturasına dair dialoq aparmağa gəlincə, Kreml təhlükəsizliyin təmin edilməsində siyasi və diplomatik üsullardan imtina etmir. Lakin bu cür üsullar yalnız bütün tərəflər dürüst olduqda təsirli ola bilər.

Sonxeber.net axar.az-a istinadən bildirir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

"Rusiya təhlükəsizliyin təmin edilməsi mövzusunda müxtəlif formalarda həyata keçirilə bilən siyasi-diplomatik üsullarından imtina etmir və heç vaxt da imtina etməyib. Lakin bu cür üsullar o zaman səmərəli ola bilər ki, bütün tərəflər həqiqətən də bərabərhüquqlu, konstruktiv əməkdaşlığa sadiq olsunlar, əldə edilmiş razılaşmaları öz xeyrinə aldatmağa və əyməyə cəhd etmədən vicdanla yerinə yetirsinlər. Əks halda, hətta ən gözəl sxemlər də havada asılı qalır. Təəssüf ki, amerikalı həmkarlarımız tərəfindən hələ də belə bir münasibət yoxdur", - o bildirib.

Qeyd edək ki, ABŞ-ın milli təhlükəsizlik müşaviri Ceyk Sallivan bildirib ki, Vaşinqton Strateji Silahların Azaldılması Müqaviləsi (START) müddətinin başa çatması üçün Rusiya ilə silahlara nəzarətin arxitekturasına dair dialoqa hazırdır.