Aktual mövzular: Dollar alış-satışı, Məzənnə, Neftin qiyməti

Ankarada güclü yağış ciddi fəsadlar törətdi

Tarix: 11 Iyun 2023 19:46

Bu gün günorta saatlarında Türkiyənin paytaxtı Ankaraya güclü yağış yağıb. Leysan yağışları nəticəsində ictimai iaşə müəssisələrinin və binaların zirzəmilərini, fərdi yaşayış evlərinin həyətlərini su basıb, nəqliyyat vasitələrinin hərəkətində çətinliklər yaranıb.

Milli.Az axar.az-a istinadən bildirir ki, küçə və parklarda yağışa hazırlıqsız yaxalanan vətəndaşlar bağlı ərazilərdə leysan yağışının dayanmasını gözləyib.

Çankaya rayonunda Yenişehir Qapalı Bazarının qarşısında dərin gölməçələrin əmələ gəlməsi nəticəsində avtomobillərin hərəkəti iflic olub və maşınlar suyun içində sönüb qalıb. Avtomobillərində qalan bəzi vətəndaşlar, o cümlədən uşaqlar yanğınsöndürənlər tərəfindən xilas edilib.

Ankara metrosunu da su basıb. Keçiören mahalının Etlik məhəlləsində torpaq sürüşməsi nəticəsində binanın istinad divarı uçub.

Ankara valisi Vasif Şahin sosial media hesabında güclü yağış səbəbindən bəzi yeraltı keçidlərin nəqliyyata bağlandığını açıqlayıb.

Bildirilir ki, yağışlı hava şəraiti qarşıdakı günlərdə də davam edəcək.

Milli.Az

Whatsapp ilə göndər