Aktual mövzular: Dollar alış-satışı, Neftin qiyməti, COP29, Hava proqnozu

Bu ölkədə 98 nəfər istidən öldü

Bu ölkədə 98 nəfər istidən öldü

Tarix: 18 Iyun 2023 12:02

Hindistanın Uttar-Pradeş və Bihar ştatlarında son üç gündə kəskin istilər nəticəsində azı 98 nəfər ölüb.

Sonxeber.net report-a istinadən xəbər verir ki, bu barədə "India Today" telekanalı məlumat yayıb.

Uttar-Pradeş ştatının Balliya rayonunda iyunun 15-17-də 400 nəfər sağlamlıq şikayəti ilə xəstəxanaya yerləşdirilib, onlardan 54-ü sonradan dünyasını dəyişib. Bu günlərdə havalar isti keçib. Belə ki, cümə günü 42,2 dərəcə isti olub.

Bölgənin səhiyyə müdiri Jayant Kumar bildirib ki, ölənlərin əksəriyyətinin yaşı 60-dan yuxarı olub: "Onların hamısı müxtəlif xəstəliklərdən əziyyət çəkirdi, kəskin istilər onların vəziyyətini ağırlaşdırıb".

Oxşar vəziyyət ötən gün qonşu Bihar ştatında da müşahidə olunub. Orada 44 nəfər ölüb. Ştatda istilər səbəbindən məktəblər iyunun 24-dək bağlanıb.


Etiketlər:  ölkədə nəfər istidən öldü


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ