Aktual mövzular: Dollar alış-satışı, Neftin qiyməti, COP29, Hava proqnozu

Çində ''mavi'' XƏBƏRDARLIQ

Çində ''mavi'' XƏBƏRDARLIQ

Tarix: 20 Iyun 2023 08:38

Çinin bir neçə bölgəsində leysan yağışları ilə əlaqədar "mavi" səviyyədə xəbərdarlıq elan edilib.

Milli.Az AZƏRTAC-a istinadən bildirir ki, Çinin Meteorologiya Mərkəzi Yünnan, Quycou, Hunan, Ciansi, Anhuy, Cıcian əyalətləri, habelə Quansi Cuan, Tibet və Daxili Monqolustan muxtar rayonlarında gün ərzində şiddətli yağışların müşahidə olunacağı barədə məlumat yayıb. Bəzi yerlərdə yağıntının miqdarının aylıq normanı ötəcəyi, ildırım və fırtına olacağı proqnozlaşdırılıb.

Meteorologiya Mərkəzi yerli hökumətlərə leysan yağışlarının törədə biləcəyi fəsadlara hazır olmaq barədə tövsiyə verib. Uşaq bağçalarına və məktəblərə şagirdlərin təhlükəsizliyini diqqətdə saxlamaq tapşırılıb. Yollara su dolmaq ehtimalı ilə əlaqədar sürücülərə ehtiyatlı olmaq tövsiyə edilib.

Qeyd edək ki, Çində anormal hava şəraiti ilə əlaqədar dördpilləli xəbərdarlıq sistemi var. Ən aşağı səviyyə "mavi", ardınca "sarı" və "narıncı", ən yüksək isə "qırımızı"dır.

Milli.Az


Etiketlər:  Çində mavi XƏBƏRDARLIQ


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ