Aktual mövzular: Dollar alış-satışı, Neftin qiyməti, COP29, Hava proqnozu
Tarix: 21 Iyun 2023 22:20
Bir neçə gün əvvəl toy məclisində fit çalması ilə müzakirələrə səbəb olan Əməkdar artist Bəhram Bağırzadə ilə bağlı növbəti video yayılıb.
Sonxeber.net Sfera.az-a istinadən xəbər verir ki, aktyor şəhərin mərkəzi küçələrinin birində - yolun hərəkət hissəsində 20 dəqiqə avtomobilini saxlayaraq başqa insanlarla söhbətləşib.
Bəhram Bağırzadənin geyimindən görüntülərin bir müddət əvvəl çəkilməsini güman etmək olar.
Videonu çəkən şəxs onun "urbanizasiya" çıxışını xatırladaraq qayda pozmasına irad tutub.
Xatırladaq ki, aktyor regionlardan Bakıya gələnləri şəhər həyatına uyğunlaşa bilməməkdə ittiham etməsi ilə gündəm yaratmışdı. Onun bu fikri birmənalı qarşılanmamışdı.
Bəhram Bağırzadənin "Bakıya gələn insanlar urbanizasiya prosesini keçə bilmirlər. Görürsüz, onlar hətta restoranda çox ucadan danışırlar" sözləri müzakirələrə səbəb olmuşdu.