Aktual mövzular: Dollar alış-satışı, Məzənnə, Neftin qiyməti

Himalaylarda buzlar sürətlə əriyir - 2 milyard insan susuz qala bilər

Tarix: 22 Iyun 2023 17:48

Hindukuş və Himalay dağ silsilələrində buzlaqlar görünməmiş sürətlə əriyir.

Milli.Az qafqazinfo-ya istinadən xəbər verir ki, bu barədə Dağların İnkişafı üzrə Beynəlxalq Mərkəzin yeni hesabatında qeyd olunub.

Hesabata görə, istixana qazı emissiyaları kəskin şəkildə azalmasa, buzlaqlar 21-ci əsrdə öz həcminin 80%-ni itirə bilər.

Daşqınların və uçqunların qarşıdakı illərdə daha da artacağı və 12 çayın aşağı axınında yaşayan təxminən 2 milyard insan üçün şirin suyun mövcudluğunun məhdudlaşacağı barədə xəbərdarlıq edilib.

Hindukuş Himalay silsilələrindəki buz və qar, Asiyanın 16 ölkəsindən axan çaylar üçün vacib su mənbəyidir. Belə ki, bu çaylar dağlarda 240 milyon insanı, aşağı axınında isə daha 1,6 milyard insanı şirin su ilə təmin edir.

Bundan əlavə, son araşdırmalar göstərir ki, Everest dağının buzlaqları 30 ildə 2000 illik buz itirib.

Alimlərin fikrincə, bu ərazilərdə buzlar əridikdən sonra onu donmuş formasına qaytarmaq mümkünsüzə yaxın olacaq.

Milli.Az

Whatsapp ilə göndər