Aktual mövzular: Dollar alış-satışı, Məzənnə, Neftin qiyməti

Alimlərdən təşviş dolu açıqlama: İki milyard insanın həyatı risk altındadır - FOTO

Alimlərdən təşviş dolu açıqlama: İki milyard insanın həyatı risk altındadır - FOTO

Tarix: 22 Iyun 2023 21:42

İstixana qazı emissiyaları kəskin şəkildə dayanmasa, XXI əsrdə Himalayın Hinduquş dağları buzlaqların 80 faizə qədərini itirəcək.

Milli.Az oxu.az-a istinadən bildirir ki,  Bu qorxulu proqnoz barədə Katmanduda yerləşən Dağların İnteqrasiya edilmiş İnkişafı üzrə Beynəlxalq Mərkəzin hesabatında deyilir.

Nepal tədqiqat təşkilatının mütəxəssislərinin sözlərinə görə, 2010-cu ildən bəri Himalaydakı buzlaqlar əvvəlki onillikdən 65 faiz daha sürətlə əriyir.

Elm adamları bildiriblər ki, iqlim dəyişikliyi səbəbindən buz örtüyünün azalması aşağı axarda yaşayan insanlar üçün şirin suyun azalmasına səbəb olacaq.

Müəlliflər həmçinin dağlardakı 200 buzlaq gölünü təhlükəli hesab ediblər və ərimə nəticəsində əsrin sonunda regionda daşqınların, eləcə də uçqunların sayında əhəmiyyətli artım müşahidə oluna biləcəyi təhlükəsindən danışıblar. Bu isə 12 dağ çayı boyunca yaşayan iki milyarda yaxın insanın risk altında olması deməkdir.

Mütəxəssislərin sözlərinə görə, Himalay dağlarında buzların əriməsinin qarşısını almaq üçün istiləşməni 1,5 dərəcə selsi ilə məhdudlaşdırmaq son dərəcə vacibdir.

Milli.Az


Etiketlər:  Alimlərdən təşviş dolu açıqlama İki milyard insanın həyatı risk altındadır FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ