Türkiyənin Özbəkistana kimyəvi maddə ixracının həcmi açıqlanıb

Tarix: 19 Iyul 2023 13:50

Türkiyənin 2023-cü ilin yanvar-iyun aylarında Özbəkistana kimyəvi maddə ixracı ötən ilin eyni dövrü ilə müqayisədə 13,9 faiz artaraq, 187 milyon dollara bərabər olub.

Milli.Az xəbər verir ki, bu barədə TurkicWorld-a Türkiyə Ticarət Nazirliyindən bildirilib.

İyun ayında Türkiyə Özbəkistana kimyəvi maddə ixracatını 2022-ci ilin eyni ayı ilə müqayisədə 3,7 faiz azalaraq, 34,1 milyon dollara çatdırıb.

Qeyd edək ki, 2023-cü ilin yanvar-iyun aylarında Türkiyənin kimyəvi maddə ixracı ötən ilin eyni dövrü ilə müqayisədə 13,5 faiz azalaraq, 14,6 milyard dollara bərabər olub.

Bu ilin iyun ayında Türkiyə 2,4 milyon dollar məbləğində kimyəvi maddə ixrac edib ki, bu da keçən ilin iyun ayı ilə müqayisədə 25,3 faiz azdır.

Qeyd olunub ki, son 12 ay ərzində (iyun 2022-iyun 2023) Türkiyə 31,2 milyard dollar məbləğində kimyəvi maddə ixrac edib.

Milli.Az