Aktual mövzular: Dollar alış-satışı, Məzənnə, Neftin qiyməti

Nəsibə Abdullayeva və Fərrux Zakirov Bakıya gəlir

Tarix: 1 Avqust 2023 21:30

Avqustun 1-dən 4-dək Bakıda Özbəkistanın Mədəniyyət Günləri keçiriləcək.

Milli.Az axşam.az-a istinadən bildirir ki, Özbəkistan Mədəniyyət Nazirliyinin təşkilatçılığı ilə keçirilən Mədəniyyət Günləri çərçivəsində sözügedən ölkənin tanınmış incəsənət ustalarının iştirakı ilə geniş konsert proqramı, həmçinin tamaşalar, kitab sərgisi və digər tədbirlər nəzərdə tutulub. Bu barədə Azərbaycan Respublikasının Mədəniyyət Nazirliyi məlumat yayıb.

Dörd gün davam edəcək Mədəniyyət Günləri çərçivəsində Özbəkistanın Xalq artistləri Fərrux Zakirov, Nəsibə Abdullayeva, Qaşımjon İsmayılov, Züleyxa Boyxanova, Gülsənəm Mamazoitova, Canisbek Piyazov, Səməndər Alimov və başqaları Azərbaycan tamaşaçıları qarşısında çıxış edəcəklər.

Milli.Az

Whatsapp ilə göndər