İrəvanda Qarabağ aksiyasına bir ovuc insan çıxdı

Tarix: 26 Sentyabr 2023 14:03

Bu gün səhər saatlarından etibarən İrəvanda Qarabağdakı hadisələr səbəbindən hökumətə qarşı başlayan etiraz aksiyaları davam etdirilib.

Sonxeber.net axar.az-a istinadən bildirir ki, bu barədə erməni mətbuatı məlumat yayıb.

Məlumata görə, bir qrup etirazçı yolları bağlamağa, hərəkəti iflic etməyə çalışıb.

İrəvan polisi aksiyaçılara çağırış edərək onların hərəkətlərinin qanunsuz olduğunu bildirib və yolları açmalarını tələb edib.

Aksiya ilə bağlı təqdim edilən videolardan görünür ki, bugünkü etiraz mitinqi əvvəlkilərə nisbətən olduqca sönük keçib. Bu gün İrəvan küçələrinə Qarabağ üçün bir ovuc insan çıxıb. Görünür, artıq İrəvandakılar separatçıların əməllərindən beziblər və onların oyunlarına gəlmək niyyətində deyillər.