Aktual mövzular: Dollar alış-satışı, Neftin qiyməti, COP29, Hava proqnozu

Ukrayna ordusu 15 ədəd İran istehsalı dron zərərsizləşdirdi

Ukrayna ordusu 15 ədəd İran istehsalı dron zərərsizləşdirdi

Tarix: 1 Oktyabr 2023 10:24

Oktyabrın 1-nə keçən gecə Ukraynanın cənubunda azı 15 ədəd İran istehsalı "Şahid" dronları məhv edilib. Onlardan 14-ü Odessa, 1-i Mıkolayiv vilayətində zərərsizləşdirilib.

Sonxeber.net report-a istinadən xəbər verir ki, bu barədə "Cənub" müdafiə qüvvələrinin sözçüsü Nataliya Humenyuk "Vahid xəbərlər"in yayımında bildirib.

Onun sözlərinə görə, ölkənin cənub bölgələri hücuma məruz qalıb, qarışıq tip dron hücumu həyata keçirilib.

İşğalçı qüvvələr marşrutları qarışdırmaq və maksimal dərəcə HHM sistemini yükləməyə çalışıblar. Humenyuk qeyd edib ki, qarşı tərəf Mıkolayiv vilayətində anbar ərazisinə zərbə endirə bilib. Orada qalıqların ayırd edilməsi və yanğının söndürülməsi istiqamətində işlər aparılır, lakin zərərçəkmişlər barədə məlumat daxil olmayıb.

Bundan başqa, Xerson vilayətinə 16 ədəd güdümlü aviabomba ilə həmlə olunub.

Humenyuk vurğulayıb ki, Rusiya qüvvələri ballistik raket zərbələri endirməyə davam edir.


Etiketlər:  Ukrayna ordusu ədəd İran istehsalı dron zərərsizləşdirdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ