Ukrayna Azərbaycanı dəstəkləyir!

Tarix: 12 Oktyabr 2023 10:18

Biz, Ukrayna Ali Radasının deputatları Azərbaycan və onun xalqına dəstəyimizi bildiririk!

Azərbaycan Qarabağında separatçılar təslim olduqdan sonra Azərbaycana qarşı onu gözdən salmaq məqsədi ilə media kampaniyası başladıldı! Erməni diasporunun radikal ünsürləri və bəzi beynəlxalq KİV-lər nifrət təbliğatını artırır və Azərbaycana qarşı sanksiyalar tətbiq etməyə çağırırlar. Biz bunu qəbuledilməz hesab edirik!

Azərbaycan beynəlxalq səviyyədə tanınmış ərazisində fəaliyyət göstərirdi.

Qarabağ ərazisində silahlı birləşmələr təslim olduqdan sonra separatçılar tərəfindən qanunsuz gətirilən xeyli silah-sursat və ağır hərbi texnika aşkar edilib.

Qarabağın erməni əhalisinin Ermənistan ərazisinə köçürülməsi zoraki xarakter daşımır, bunu oktyabrın 1-də Qarabağa gələn BMT missiyası və ABŞ Dövlət Departamentinin nümayəndəsi Miller də təsdiqləyiblər.

Bütün Ukrayna separatizmlə mübarizədə Azərbaycanı dəstəkləyir. Qarabağdakı separatçı birləşmələrin əsas simaları Ukraynaya qarşı təcavüz alətləri kimi "Sülhməramlı" bazasına daxil edilib. Eyni separatizm Rusiyanın himayəsi ilə Ukrayna Krımına və Ukrayna Donbasına da gəldi. Hazırda Azərbaycan qalib gəlib və öz tarixi əraziləri üzərində nəzarəti bərpa edib - Ukrayna da mütləq qalib gələcək!

Ukrayna Azərbaycanın tərəfindədir, çünki Azərbaycan Ukraynanın tərəfindədir.

Biz Azərbaycana qarşı hər hansı sanksiyaların tətbiqini qətiyyətlə pisləyirik. Rusiya-Ukrayna müharibəsinin lap əvvəlindən Azərbaycan vətəndaşları AZfront Telegram kanalı vasitəsilə mütəmadi olaraq Kaxovskaya SES-in partlamasından sonra qənaət olunmuş generatorları, ərzaqları, geyimləri və heyvan yemlərini ukraynalılara təhvil veriblər.

Rəsmi Bakı Ukraynaya enerji avadanlıqlarının alınması üçün yardım ayırır, yanacaq və dərmanları pulsuz ötürür, Buçi və İrpen şəhərlərinin bərpasında iştirak edir, ukraynalı uşaqların reabilitasiyasına kömək edir.

Separatizmə "yox"! Azərbaycana qarşı sanksiyalara "yox"! Kiyev və Bakının qarşılıqlı dəstəyinə "bəli"!

Milli.Az