Zelenskilərin Krımdakı evini satırlar - Azərbaycanda da alıcı...

Tarix: 22 Oktyabr 2023 21:12

Ukraynanın birinci xanımı Yelena Zelenskayanın Krımın Rusiyanın tərkibinə daxil olmasından bir müddət əvvəl aldığı Yaltada Qara dənizə və Livadiya Sarayına baxan mənzili satışa çıxarılır. 2019-cu ildə Zelenskayanın Krımda bazar dəyərinin yarısına penthaus alması barədə mediada xəbərlər yayılmışdı.. Daha sonra Prezidentin həyat yoldaşının Yaltada 164 min dollara (kvadrat metri təxminən 1200 dollar) üçotaqlı mənzil aldığı bildirilirdi. Eyni zamanda, o zaman belə mənzillərin kvadrat metrinin qiyməti dörd min dollara çatırdı.

Sonxeber.net musavat.com-a istinadən bildirir ki, Zelenskaya mənzili ukraynalı keçmiş deputat və iş adamı Aleksandr Buryakdan alıb. O, həm də Vladimir Zelenskinin seçki qərargahının könüllülərindən biri olub. Ukrayna Prezidentinin mətbuat xidməti bəyan edib ki, Ukrayna dövlət başçısının həyat yoldaşı Krımda yarımadanın Rusiya tərəfindən ilhaqından əvvəl, Ukraynanın mövcud qanunvericiliyinə tam uyğun və bazar qiymətinə daşınmaz əmlak alıb.

2019-cu ilin aprelində Zelenskinin Krımdakı mənzili 790 min dollardan yuxarı qiymətə satışa çıxarılıb.

İlhaq edilmiş Krım hakimiyyəti bu ilin fevralında  ukraynalı fiziki şəxslərin 700-ə yaxın aktivini milliləşdirmək qərarına gəlib. Milliləşdirilmiş əmlakın sahibləri arasında ukraynalı iş adamları və siyasətçiləri Rinat Axmetov, İqor Kolomoyski, Arseni Yatsenyuk, Nestor Şufrıç, Sergey Taruta və başqaları var.

Milliləşdirilmiş aktivlərə torpaq və daşınmaz əmlak daxildir. Rusiya tərəfindən təyin edilmiş Krım parlamenti hesab edir ki, onların sahibləri Kiyev hakimiyyəti ilə əlaqəlidir və Rusiyaya qarşı "dost olmayan hərəkətlər" edirlər.

Yarımadanın əmlak məsələləri üzrə səlahiyyətliləri  villanı milliləşdirərək ilkin olaraq 24,6 milyon rubl  qiymət qoyaraq hərraca çıxarırlar. Ümumilikdə, ilin sonuna qədər Krım hökuməti vaxtilə burada əmlakı olan ukraynalıları varlıların  əmlakını satmaqla  respublikanın büdcəsini1 milyard rubldan çox artırmaq niyyətindədirlər.  

Musavat.com xəbər verir ki, Ukrayna prezidenti Vladimir Zelenskinin və onun həyat yoldaşı Yelenanın Yaltanın  mərkəzində milliləşdirilmiş mənzili açıq hərraclarda ən çox tələb olunan lot olub.  Krım Dövlət Şurasının sədri Vladimir Konstantinov bildirib ki, bu əmlakı almaq istəyənlərin sayı həddindən artıqdır.  "Hazırda yaşayış sahələrinin, o cümlədən Zelenski cütlüyünün mənzilinin satışı ilə bağlı bildirişlər açıq hərraclarda yerləşdirilib.  İlkin reaksiyalar onu göstərir ki, bu mənzili almaq istəyənlər satışa çıxarılan digər ticarət və sanatoriya-kurort obyektlərindən daha çox  maraq var"-  Konstantinov "Telegram"-da yazıb.

Zelenskinin əmlakı ötən həftə satışa çıxarılıb. Hərrac elektron qaydada oktyabrın 30-da keçiriləcək. Potensial alıcıların müraciətləri oktyabrın 26-dək qəbul edilir. Mənzilin ümumi sahəsi 119.5 kv.m. m Beşinci mərtəbədə yerləşir və eyvandan Qara dənizə və Livadiya sarayına bitişik bağçası var.

Lotun ilkin dəyəri 24,6 milyon rubl təşkil edir. Bu, "GIS Auctions" rəsmi portalında yerləşdirilib; hərrac Krım Respublikasının Əmlakın İdarə Edilməsi Müdirliyi tərəfindən təşkil edilib. Əmlakın Azərbaycandan da kiminsə almasına heç bir hüquqi əngəl yoxdur.