Aktual mövzular: Dollar alış-satışı, Neftin qiyməti, COP29, Hava proqnozu

İstifadəçilər “Windows 10” sisteminə keçməyə tələsmirlər

İstifadəçilər “Windows 10” sisteminə keçməyə tələsmirlər

Tarix: 5 May 2019 23:28

“NetMarketShare” resursu masaüstü əməliyyat sistemlərinin qlobal statistikası haqqında hesabat dərc edib. Hesabata əsasən, 2019-cu ilin aprelində “Windows 10” sisteminin bazar payı tədricən artmağa davam edib və 44,10% təşkil edib, mart ayının nəticəsinə görə, bu göstərici 43,62%-ə bərabər idi.
 
“ICTnews” Elektron Xəbər Xidməti “3dnews.ru” saytına istinadən yazır ki, “Windows 10” sisteminin bazar payının tədricən artmasına baxmayaraq, “Windows 7” sözügedən əməliyyat sisteminin əsas rəqibi qalmağa davam edir. Cari ilin martında “Windows 7”-nin bazar payı 36,52% təşkil edirdisə, apreldə bu göstərici 36,43%-dək azalıb. Əməliyyat sistemlərinin populyarlıq səviyyəsinin dinamikası onu göstərir ki, “Microsoft” korporasiyasının bütün cəhdlərinə baxmayaraq istifadəçilər “Windows 10” sisteminə keçməyə tələsmirlər.
 
Bazar payı 4,22% təşkil edən “Windows 8.1” sistemi üçüncü yerdə qərarlaşıb. Növbəti yeri 2% bazar payına sahib “Mac OS X 10.13” platforması tutub.
 
Emil Hüseynov


Etiketlər:  İstifadəçilər Windows sisteminə keçməyə tələsmirlər


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ