Aktual mövzular: Dollar alış-satışı, Məzənnə, Neftin qiyməti

Kosmik hava proqnozu meteohəssas insanlara nə vəd edir?

Tarix: 7 Noyabr 2019 19:12

Bakı. İlhamə İsavalayeva - Trend:

Azərbaycan Milli Elmlər Akademiyasının N.Tusi adına Şamaxı Astrofizika Rəsədxanası kosmik hava durumunu açıqlayıb.

Rəsədxanadan Trend-ə verilən məlumata görə, Günəş fəallığı çox aşağı səviyyədə, Günəş diski ləkəsiz olub. Bununla belə, hesabat dövründə Günəş küləyi parametrlərində ötən dövrə nisbətən güclənmə müşahidə olunub.

Məlumata görə, geomaqnit sahə, son 24 saat ərzində ümumən sakitdir olub.

Sabah və noyabrın 9-da kosmik hava proqnozuna gəlincə, Günəş fəallığının çox aşağı səviyyədə qalacağı qeyd edilir.

Proqnoz dövründə Günəş küləyi parametrlərinin də sakit rejimə uyğun qalacağı proqnozlaşdırılır.

Proqnoz dövründə (08 - 09 noyabr) geomaqnit sahədə ümumən sakitlik müşahidə olunacaq. Maqnit qasırğasının yaranması ehtimalı proqnoz dövründə 1%-dən aşağı qiymətləndirilir.

Whatsapp ilə göndər