Aktual mövzular: Dollar alış-satışı, Məzənnə, Neftin qiyməti

Saakaşvili yeni planla meydanda: Tiflisdə təşviş başladı

Tarix: 22 Dekabr 2023 20:40

Gürcüstanın keçmiş baş naziri, hazırda müxalifətdə olan Georgi Qaxariyanın təsis etdiyi "Gürcüstan Naminə" Partiyası sabiq prezident Mixail Saakaşvilinin həbsxanaya qaytarılmasını tələb edir.

Milli.Az teleqraf.com-a istinadən bildirir ki, bu barədə sözügedən partiyanın deputatı Mixail Dauşvili bildirib.

Saakaşvili dekabrın 20-də müalicə olunduğu klinikanın palatasında təsisçisi olduğu "Vahid Milli Hərəkat" Partiyasının iclasını keçirib, göstərişlər verib, hökumətə qarşı birləşmə planını açıqlayıb.

Dauşvili bundan sonra hökumət və məhkəmədən Mixail Saakaşvilinin cəzaçəkmə müəssisəsinə qaytarılmasını tələb edib.

Tiflis meri, hakim "Gürcü Arzusu" Partiyasının baş katibi Kaxa Kaladze eks-prezidentin həbxanaya köçürülməsi çağırışına belə cavab verib:

"Mixail Saakaşvili pəhriz saxlayırdı, vəziyyəti əladır, yaxşı görünür, yəqin ki, müvafiq qurum qərar verəcək".

Ədliyyə naziri Rati Breqadze noyabrın 10-da məsələ ilə bağlı açıqlamasında demişdi ki, bunun üçün həkimlərin müvafiq rəyi lazımdır.

Milli.Az

Whatsapp ilə göndər