Aktual mövzular: Dollar alış-satışı, Neftin qiyməti, COP29, Hava proqnozu

“Tutmaz, abi. “Bursaspor” yoxladı, azərbaycanlı oyunçularda burada alınmır”

“Tutmaz, abi. “Bursaspor” yoxladı, azərbaycanlı oyunçularda burada alınmır”

Tarix: 12 Yanvar 2024 22:24

Sərtan Taşkın karyerasını Türkiyədə davam etdirəcək.

Sonxeber.net sportinfo.az-a istinadən xəbər verir ki, mövsümə "Turan Tovuz"da başlayan 26 yaşlı futbolçu "Manisa FK" ilə müqavilə bağlayıb.

O, qarşıdakı ilyarımda Manisa təmsilçisinin uğurları üçün tər tökəcək.

Azərbaycan millisinin də şərəfini qorumuş müdafiəçinin "ağ-qaralar"la anlaşması qardaş ölkədə birmənalı qarşılanmayıb.

Məlum keçidlə bağlı klubun sosial media hesablarında azarkeşlərin yazdığı şərhlər müxtəlifdir:

"Paraşütləri açın, düşürük".

"Azərbaycan liqası bizimlə eyni səviyyədə deyil axı".

"Tutmaz, abi. "Bursaspor" yoxladı, azərbaycanlı oyunçularda burada alınmır".

"Müdafiənin və yarımmüdafiənin "sağı"nda oynamağı bacarır. Gözəl transferdir".

"Yaxşı sağ cinah müdafiəçisi aldıq, indi də yaxşı stopper alaq".

"Yaxşı futbolçuya oxşayır. Görək istədiyimiz, gözlədiyimizdir, yoxsa yox".

"Bu nə soyaddır? Niyə Taşkın yox, Taşqın? Azərbaycan soyadıdırsa, Taşqınov olmalıydı axı. Ümid edək ki, "Manisa"ya xeyir verəcək".

Türkiyənin Birinci Liqasında mübarizə aparan "ağ-qaralar" 17 turdan sonra topladığı 19 xalla 18 komanda arasında 11-ci pillədə qərarlaşıb.


Etiketlər:  Tutmaz Bursaspor yoxladı azərbaycanlı oyunçularda burada alınmır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ