Aktual mövzular: Dollar alış-satışı, Məzənnə, Neftin qiyməti

ABŞ altıncı nəsil strateji bombardmançıların hazırlanmasına başlayır

ABŞ altıncı nəsil strateji bombardmançıların hazırlanmasına başlayır

Tarix: 23 Yanvar 2024 23:22

Pentaqon altıncı nəsil "B-21 Raider" strateji gizli bombardmançı təyyarələrinin ilk partiyasını hazırlamaq üçün "Northrop Grumman Corporation" ilə müqavilə imzalayıb.

Milli.Az report.az-a xəbər verir ki, bu barədə ABŞ Müdafiə Nazirliyinin nümayəndəsinə istinadən "Breaking Defence" məlumat yayıb.

Müdafiə nazirinin satınalma və davamlılıq üzrə müşaviri Uilyam Laplante bildirib ki, sınaq nəticələrinə əsasən, "B-21"in kiçik partiyası istehsal ediləcək.

Müqavilənin təfərrüatları, təyyarələrin sayı və istehsalının vaxtı açıqlanmır.

ABŞ Hərbi Hava Qüvvələrinin məlumatına görə, "Cerberus" adlı ilk "B-21" artıq iki sınaq uçuşunu həyata keçirib - keçən il noyabrın 10-da və yanvarın 17-də. "Northrop Grumman" korporasiyası artıq bu tipli altı təyyarə hazırlayıb.

Qeyd edək ki, "B-21 Raider" uzun mənzilli nüvə başlıqlarına malik səkkiz qanadlı raket və ya 5 ilə 400 kiloton arasında dəyişən səkkiz nüvə bombası daşıya biləcək. "B-21"in dəyəri 772 milyon dollar qiymətləndirilir.

"B-21 Raider" əhəmiyyətli təyyarə olduğu üçün texniki xüsusiyyətləri gizli saxlanılır.

Milli.Az


Etiketlər:  ABŞ altıncı nəsil strateji bombardmançıların hazırlanmasına başlayır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ