İdmançının həyat yoldaşı və qızı faciəvi şəkildə öldü

Tarix: 25 Yanvar 2024 17:36

Yanvarın 23-də Xarkova edilən raket hücumu nəticəsində Rusiya Federasiyasının tammiqyaslı işğalının əvvəlindən Ukrayna Silahlı Qüvvələrinə qoşulmuş reqbiçi Vladimir Maşkinin həyat yoldaşı və 8 yaşlı qızı ölüb.

Sonxeber.net baku.ws-ə istinadən bildirir ki, bu barədə Xarkov Vilayət Dövlət Administrasiyasının Gənclər və İdman İşləri İdarəsi məlumat yayıb.

"Yanvarın 23-də Xarkov "Legion XIII" reqbi klubunun oyunçusu, reqbi və reqbi liqası üzrə idman ustası, Ukraynanın reqbi üzrə milli liqa komandasının oyunçusu Vladimir Maşkinin ailəsində böyük kədər baş verib. Atılan raket Vladimirin ailəsi ilə birlikdə yaşadığı evə düşüb", - mesajda deyilir.

Qeyd olunur ki, mənzili tamamilə dağıdan partlayış nəticəsində bir qadın və idmançının 8 yaşlı qızı həlak olub.