Aktual mövzular: Dollar alış-satışı, Məzənnə, Neftin qiyməti

Ağır xəstə olan Selin Dion 3 aydan sonra ilk dəfə - FOTOlar

Tarix: 5 Fevral 2024 13:30

Dünyaca məşhur kanadalı müğənni Selin Dion səhhətində yaranan problemlər fonunda üç aydan sonra ilk dəfə ictimaiyyət qarşısına çıxıb.

Milli.Az axşam.az-a istinadən bildirir ki, ifaçı Los-Ancelesdə keçirilən 66-cı "Qremmi" mükafatlandırma gecəsinə qatılıb.

Qeyd edək ki, müğənniyə 2022-ci ildə sərt əzələ sindromu qoyulub. Bu diaqnoz milyonda bir adamda rast gəlinir. Onun bacısı Klodetin sözlərinə görə, Selin ağrılı spazmlardan əziyyət çəkir və buna görə də hərəkətlərinə nəzarət etmir. O, 2024-cü ilin aprelinə qədər bütün çıxışlarını ləğv edib.

Xatırladaq ki, 55 yaşlı Selin Dion ilk dəfə 27 il əvvəl "İlin albomu" kateqoriyasında qalib olduğu üçün sözügedən müsabiqədə səhnəyə çıxmışdı. O, beş dəfə "Qremmi" mükafatı laureatı olub. İfaçı ilk qrammofonunu 1992-ci ildə alıb və 16 dəfə mükafata namizəd ola bilib.

Milli.Az