Aktual mövzular: Dollar alış-satışı, Məzənnə, Neftin qiyməti

Bu ölkədə ikinci dəfə begemotun prezidentliyə namizədliyi irəli sürüldü – FOTOlar

Tarix: 23 Fevral 2024 19:14

ABŞ-nin Texas ştatından olan San Antonio zooparkının sakini - begemot Timoti yenidən ABŞ prezidentliyinə namizəd olacaq.

Milli.Az oxu.az-a istinadən bildirir ki, sosial şəbəkələrdə Texas ictimaiyyətinin sevimli begemotu Timotinin ABŞ prezidentliyinə namizədliyinin irəli sürülməsi mərasimindən videolar yayılıb.

Qeyd olunur ki, məməli artıq 4 il əvvəl bu vəzifəyə namizədliyini irəli sürüb və hətta o zaman teledebata dəvət olunmamasından şikayətlənib. Bununla belə, o, hələ də bir neçə min abunəçisi olan bloqunda 2020-ci ildə qalib gələn rəqibi Co Baydeni təbrik edib.

Ötən gün çoxsaylı pərəstişkarlarının və jurnalistlərin iştirakı ilə yenidən zooparkda onun namizədliyinin irəli sürülməsinə dair təntənəli mərasim keçirilib və burada onun təsvirləri olan köynəklər də satılıb. Əldə olunan pul vəsaitinin Timotinin seçki kampaniyasına sırf olunacağı ehtimal olunur. Hər halda o, yarışda gələcək rəqiblərindən xeyli gənc görünür.

Milli.Az