Aktual mövzular: Dollar alış-satışı, Məzənnə, Neftin qiyməti

Finlandiya yenə xoşbəxtdir

Finlandiya yenə xoşbəxtdir

Tarix: 20 Mart 2024 11:36

Finlandiya yeddinci dəfə, dünyanın ən xoşbəxt ölkəsi seçilib.

Milli.Az qafqazinfo-ya istinadən xəbər verir ki, bu barədə "Forbes" məlumat yayıb.

BMT-nin sifarişi ilə ekspertlər qrupu tərəfindən hazırlanan illik "Dünya Xoşbəxtlik Hesabatı"a əsasən Skandinaviya ölkələri yenidən ən yüksək pillədə qərarlaşıb, Danimarka ikinci, İslandiya üçüncü, İsveç isə dördüncü yerdədir.

ABŞ isə siyahıda geriləyib. Belə ki, ötən il 15-ci yerdə qərarlaşan ölkə, 2024-cü ildə 23-cü yerə düşüb. Hətta ilk iyirmiliyə yeni daxil olan Kosta Rika və Litva kimi ölkələr Birləşmiş Ştatları geridə qoyub.

Buna səbəb kimi, ABŞ-də, xüsusən də gənclər arasında xoşbəxtlik səviyyəsinin aşağı düşməsi göstərilib.

Hesabatda sonuncu pillədə Əfqanıstan (143-cü) qərarlaşıb.

Qeyd edək ki, hesabatın dərci martın 20-də qeyd olunan Beynəlxalq Xoşbəxtlik Gününə təsadüf edir.

Milli.Az


Etiketlər:  Finlandiya yenə xoşbəxtdir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ