Aktual mövzular: Dollar alış-satışı, Neftin qiyməti, COP29, Hava proqnozu

Bu ölkədə müharibə: 6 milyon insan evlərini tərk etdi

Bu ölkədə müharibə: 6 milyon insan evlərini tərk etdi

Tarix: 28 Mart 2024 23:12

Konqo Demokratik Respublikasının şərqində silahlı qarşıdurmaların artması dağıdıcı səviyyəyə çatıb. Belə ki, son iki ildə 6 milyona yaxın insan evlərini tərk etməyə məcbur olub.

Sonxeber.net axar.az-a istinadən xəbər verir ki, bu barədə BMT-nin bu ölkədəki missiyasının yaydığı məlumatda deyilir.

"Şimali Kivu, Cənubi Kivu və İturi əyalətlərində iki ildir davam edən münaqişə 5,7 milyon insanın evlərini tərk etmək məcburiyyətində qalmasına gətirib çıxarıb. Yalnız fevralın 7-də döyüşlər başlayandan bəri Masisi bölgəsində, demək olar ki, 300 min insan Qoma şəhəri ətrafındakı ərazilərə qaçıb. Döyüşlərdə ağır artilleriyadan istifadənin artması xüsusilə narahatedicidir. Ümumilikdə, 25,4 milyon insanın köməyə ehtiyacı var", - məlumatda qeyd edilib.

Qeyd edək ki, ölkədə silahlı üsyançılarla hökumət qüvvələri arasında mütəmadi toqquşmalar yaşanır.


Etiketlər:  ölkədə müharibə milyon insan evlərini tərk etdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ