Aktual mövzular: Dollar alış-satışı, Məzənnə, Neftin qiyməti
Tarix: 27 Noyabr 2019 12:42
Bakı. Trend:
Bakıda iki mənzildə yanğın qeydə alınıb.
Fövqəladə Hallar Nazirliyindən Trend-ə verilən məlumata görə, Binəqədi rayonunda ümumi sahəsi 100 m² olan birmərtəbəli 3 otaqlı evin yanar konstruksiyaları 60 m² sahədə və dam örtüyü 100 m² sahədə yanıb. Evin qalan hissəsi və yaxınlıqdakı tikililər yanğından mühafizə olunub.
Bununla yanaşı, Xəzər rayonunda ümumi sahəsi 85 m² olan kürsülü, birmərtəbəli 3 otaqlı evin mətbəxində 2 m² sahədə mebel və 1 ədəd məişət avadanlığı yanıb. Yüksək temperaturdan mətbəxin lambirindən ibarət tavanı 15 m² sahədə əriyib. Evin qalan hissəsi yanğından mühafizə olunub.
Hər iki yanğın yanğından mühafizə bölmələri tərəfindən söndürülüb.